Жезқазған тарихи-археологиялық музейімен қабылданған меморандум негізінде құрылған “Жас өлкетанушылар” үйірмесінің жұмыс жоспарына сай мектебіміздің 8-сынып оқушылары Теректі әулие мекеніне барып, “Экоасар” экологиялық акциясына қатысып қайтты. Акция аясында оқушылар музей ұжымымен бірлесе отырып, тарихи орынға сенбілік жасап, тазалау жұмыстарын жүргізді. Сонымен қатар жас өлкетанушыларға музей қызметкерлері тағылымы мол экскурсия жүргізді. Аталған іс-шараның оқушыларымызға берері көп болды. Әрі пайдалы, әрі қызықты экскурсия ұйымдастырған музей ұжымына алғыс білдіреміз!